FÁR stendur fyrir starfsdegi laugardaginn 17. september kl 10:00 í húsi SFR að Grettisgötu 89. Yfirskrift dagsins er „Ungur nemur, gamall temur“.
Laugardaginn 17. september n.k. mun Félag áfengis- og vímuefnaráðgjafa halda starfsdag. Yfirskrift dagsins er „Ungur nemur, gamall temur“ og er þemað áfengisráðgjafin og þróun hans í starfi frá ráðgjafanema til ráðgjafa með mikla reynslu. Dagskráin hefst kl. 10:00 með erindi Sigurjóns Helgasonar, áfengis- og vímuefnaráðgjafa hjá SÁÁ, sem ber heitið „Gamall temur“. Kl. 10:45 mun Páll Geir Bjarnason, áfengis- og vímuefnaráðgjafi hjá SÁÁ stíga fram og ber erindi hans heitið „Rós á mykjuhaug“. Kl. 11:30 flytur ráðgjafaneminn Guðmann Magnússon síðasta erindi dagsins og nefnist það „Ungur nemur“. Að loknum hádegisverði munu fara fram umræður og starfsdegi síðan slitið kl. 14:00 FÁR hvetur félagsmenn til að mæta og taka þátt í starfinu.