Ég mun virða hin siðfræðilegu gildi sjálfræði, góðvild og réttlæti, og veita þeim forgang í faglegu starfi mínu.
Ég mun ekki gera upp á milli sjúklinga eða starfsmanna eftir kynþætti, trú, aldri, kyni, fötlun, ætterni, kynhneigð eða fjárhag.
Ég mun auðsýna óhlutdrægni og heiðarleika og viðhalda bestu gæðum þeirrar þjónustu sem ég býð.
Ég veit að starfsréttindi mín byggjast á stöðlum um getu og hæfni sem miða að sem bestri þjónustu í þágu þjóðfélagsins, sjúklingsins, sjálfs mín og starfstéttarinnar í heild.
Ég skil einnig að þörfin á viðvarandi endurmenntun er hluti af faglegri starfsgetu.
Ég mun viðhalda lagalegum og viðurkenndum siðareglum sem eiga við um faglegt framferði.
Ég mun á heiðarlegan hátt virða takmarkanir núverandi þekkingar í opinberum yfirlýsingum sem varða áfengis- og vímuefnafíkn.
Ég mun viðurkenna og nefna alla þá sem hafa lagt til efni og vinnu við það sem birtar ritsmíðar byggja á.
Ég mun sýna manneskjunni eða hópnum sem ég vinn með virðingu og verja velferð þeirra.
Ég mun vernda rétt sjúklingsins og mun ekki láta af hendi trúnaðarupplýsingar sem fengnar eru við kennslu, vinnu eða rannsóknir, án þess að samþykki sé fengið frá þess tilbærum aðilum.
Ég mun standa vörð um trúnaðarsamband við sjúkling og mun sjá til þess að sjúklingurinn hafi ásættanlegan aðgang að virkri meðferð.
Ég mun koma fram við starfsfélaga af virðingu, kurteisi og sanngirni og mun sýna öðrum starfsstéttum hið sama.
Ég mun byggja upp fjárhagslegt umhverfi í mínu faglega starfi í samræmi við faglega staðla, sem tryggja sem best þarfir sjúklinganna fyrst, síðan ráðgjafans, stofnunarinnar og starfsstéttarinnar.
Ég mun eftir bestu getu vera virkur þátttakandi í vinnu er miðar að því að efla þjónustu fyrir alla, sem þjást af áfengis- og vímuefnafíkn, óháð kynþætti eða félagslegum bakgrunni.
