Fréttir

Mánudaginn 8. febrúar kl. 17:15, verður nýr kjarasamningur kynntur félagsmönnum sem starfa hjá SÁÁ. Samningurinn var undirritaður sl mánudag. Fundurinn verður haldinn á Grettisgötu 89, 1. hæð (hús BSRB). Mikilvægt að allir mæti sem mögulega geta, til að kynna sér samninginn. Atkvæðagreiðsla hefst sama dag og stendur til hádegis föstudaginn 12. febrúar.

Samningurinn fer í kynningu á meðal félagsmanna SFR og greidd atkvæði um hann. Gert er ráð fyrir að niðurstaða liggi fyrir 12. febrúar. Samningurinn nær til félagsmanna SFR sem starfa sem áfengis- og vímuefnaráðgjafar og dagskrárstjórar. Sjá vef SFR.

Fimmtudaginn 14. janúar verður haldinn fundur um kjaramál FÁR kl. 8:30 í húsnæði SFR, Grettisgötu 89, jarðhæð (BSRB-húsið). Áður en fundur hefst kl 8:00 er boðið upp á morgunverð, kaffi, te, rúnstykki og álegg.

Farið verður yfir stöðu mála sem gætu verið betri. Allir félagsmenn eru hvattir til að mæta og hitta samninganefndina. 

    Dagskrá fundarins:
  1. Farið yfir gang viðræðna
  2. Staðan í dag og möguleikar
  3. Næstu skref

 

Mikilvægt að allir sem geta mæti og taki þátt!

Almennur félagsfundur Félags áfengis- og vímuefnaráðgjafa verður haldinn í húsi SFR að Grettisgötu 89 mánudaginn 1. júní 2015 kl. 17:00

 

Á fundinum verða kosnir trúnaðarmenn Fár í trúnaðarmannaráð SFR og farið verður yfir stöðu og möguleika í kjaraviðræðum áfengisráðgjafa hjá SÁÁ.

Árleg ráðstefna Fár verður haldin dagana 17.-19. apríl 2015 að Laugum í Sælingsdal.

Aðalfundur FÁR, Félags áfengis- og vímuefnaráðgjafa, verður haldinn 16. febrúar 2014 kl. 10 að Grettisgötu 89, húsi SFR.

Að loknum aðalfundi verður starfsdagur FÁR þar sem fjallað verður um siðferðileg álitamál

Aðalfundur FÁR, Félags áfengis- og vímuefnaráðgjafa, verður haldinn sunnudaginn 16. febrúar 2014 kl. 10 að Grettisgötu 89, húsi SFR. 

Starfsdagur Fár verður haldinn 19. október í húsi SFR að Grettisgötu 89 og hefst kl. 10:00. Yfirskriftin er Motivational Interviewing 2. hluti.

Ráðstefna Fár vorið 2013 verður haldin að Laugum í Sælingsdal dagana 5.-7. apríl 2013

Dagskrá uppsett í meðfylgjandi auglýsingu 

Smellið á myndina til að sjá auglýsinguna

 

Aðalfundur FÁR verður haldinn klukkan 10 laugardaginn 16. Febrúar 2013 í húsnæði SFR að Grettisgötu 89.

Á dagskrá eru venjuleg aðalfundarstörf samkvæmt auglýsingu. 

Að aðalfundi loknum verður haldinn starfsdagur.

Ráðstefna Félags áfengis- og vímuefnaráðgjafa verður haldin í Skógum undir Eyjafjöllum dagana 
4.- 6. maí 2012
Yfirskrift ráðstefnunnar er Áfengis- og vímefnaráðgjöf – Ósköp venjulegt starf ?

Á aðalfundi FÁR núna í vor var kosið í stjórn félagsins og formenn ráða innan þess

SÁÁ stendur fyrir sinni árlegu Haustráðstefnu sem haldin verður í Von, Efstaleiti 7, 4. og 5. október n.k.
Á laugardaginn 6. október er svo árlegur Hátíðar- og Afmælisfundur samtakanna í Háskólabíói.
Áfengis- og vímuefnaráðgjafar og áhugafólk um fíknivanda ætti ekki að láta ráðstefnuna framhjá sér fara.

Dagskrá ráðstefnunnar má finna á eftirfarandi hlekk: Dagskrá

Þann 10. desember síðastiðinn luku þau Hulda Eggertsdóttir, Karl S. Gunnarsson og Páll Geir Bjarnason prófum NAADAC með viðunandi árangri.

Félag áfengis- og vímuefnaráðgjafa heldur aðalfund þann 25. febrúar 2012 að Grettisgötu 89, 105 Reykjavík kl. 10:00.
Að aðalfundi loknum verður starfsdagur

FÁR stendur fyrir starfsdegi laugardaginn 17. september kl 10:00 í húsi SFR að Grettisgötu 89. Yfirskrift dagsins er "Ungur nemur, gamall temur".

Félag Áfengis- og vímuefnaRáðgjafa heldur starfsdag Laugardaginn 14. maí kl 10 til 14 að Grettisgötu 89 (Sal SFR).

Aðalfundur FÁR  var haldinn 19. Febrúar 2011 í húsnæði SFR að Grettisgötu 89. Á dagskránni voru venjuleg aðalfundarstörf samkvæmt auglýsingu.

Félag áfengis og vímuefnaráðgjafa  heldur aðalfund þann 19. Febrúar 2011 að Grettisgötu 89, 105 Reykjavík kl. 10:00

Þann 28. Október næstkomandi kemur Bill Cote fv. formaður réttindaráðs NAADAC, NCC, til landsins. Hann býður félagsmannönnum FÁR upp á fræðslu. Fræðslan verður í sal SFR að Grettisgötu laugardaginn 30. 10.2010 og hefst kl. 9:00

Dagana 8. – 10. Október sl. var haldin árleg ráðstefna FÁR í Skógum. Undanfarin ár hefur ráðstefnan verið á vorin en síðastliðið vor varð að fresta ráðstefnunni vegna náttúruhamfara í kjölfar goss í Eyjafjallajökli. Það var ákveðið að halda ráðstefnuna núna á haustmánuðum frekar en láta hana falla niður þetta árið.
Margir fróðlegir fyrirlestrar voru haldnir og eru þeim sem þá fluttu færðar sérstakar þakkir fyrir þá miklu vinnu sem þau lögðu á sig til að gera dagskránna sem besta úr garði.